Siyasiy mabüs Alim Karimovğa taqiqat tevqifhanesinde tibbiy yardım kösterilmey, – Denisova

uatv
15.01.2020
Foto Facebook Lüdmila Denisova

“Hizb ut-Tahrir davası” mabüsi Alim Karimovğa Rostov vilâyetiniñ taqiqat tevqifhanesinde tibbiy yardım kösterilmey. Siyasiy mabüsniñ endi bir qaç künden berli sıcağı bar.

Bu aqta Ukraina Yuqarı Radası insan aqları vekâletlisi Lüdmila Denisova öz Facebook saifesinde yazdı.

“Karimov anginanen hastalandı, bundan sebep üç künden berli 39,5 sıcağı bar. Sağlığınen olğan problemalarğa baqmadan tibbiyet hadimleri kerekli yardım köstermey, tüzetüv müesiseniñ müdiriyeti ise ilâclar berilmesini temin etmey”, – yazdı Denisova.

Lüdmila Denisova Ukraina vatandaşınıñ tolu tibbiy baqınuvı yapılması ve ihtisasiy tibbiy yardım kösterilmesi içün Rusiye İnsan aqları vekâletlisi Tatyana Moskalkovadan yardım istedi.

Alim Karimov 2019 senesi martnıñ 27-nde “Hizb ut-Tahrir davası” boyunca Rusiye quvetçileri tarafından yakalanıldı.

Hatırlatamız: ekinci Aqmescit “Hizb ut-Tahrir davası” mabüsi Tofik Abdulgaziyevniñ taqiqat tevqifhanesinde aşeretlar çaqması sebebinden qanı zeerlenlendi ve irinli yaralar peyda oldı.

Джерело UATV
дата 15.01.2020
категорії KREML MABÜSLERİ
поділитися
Топ новин на UA|TV