Siyasiy mabüs Abseitov ve Abiltarovğa tibbiy yardım kösterilmey, – Denisova

uatv
11.12.2019
Foto Ukrinform-UATV

Ukraina Yuqarı Radası insan aqları vekâletlisi Lüdmila Denisova, qanunsız sürette tevqif etilgen qırımtatar Zevri Abseitov ve Rustem Abiltarovğa taqiqat tevqifhanesinde tibbiy yardım kösterilmey dep haber etti.

Bu aqta o öz Facebook saifesinde yazdı.

Osbudsmennıñ aytqanına köre, Zevri Abseitovnıñ tiş ve büyrek problemaları ve daimiy tibbiy nezaret astında olmasa insult sebepçisi ola bilecek 2 derece gipertoniyası bar. Rustem Abiltarovnıñ ise sürekli hastalığı – piyelonefrit ve revmatoid artridi bar. Bundan ğayrı, evel miokard mikroinfakrtı oldı.

“Mevcut sağlıq problemalarına baqmadan, halqara uquqnı bozıp tibbiyet hadimleri semetdeşlerimizge kerekli tibbiy yardım köstermey”, – dedi Denisova.

Ukraina Yuqarı Radası insan aqları vekâletlisi Lümila Denisova Rusiye ombudsmenı Tatyana Moskalkovağa muracaat etip ondan siyasiy mabüs Zevri Abseitov ve Rustem Abiltarovnıñ tolu tibbiy baqıluv yapılmasına ve kerekli tibbiy yardım kösterilsine yardım etkeni istedi.

2018 senesi dekabrniñ 24-nde, Rostov-na-Donudaki Şimaliy-Kavkaz bölge arbiy mahkemesi birinci Bağçasaray “Hizb ut-Tahrir davası” mabüslerine, Enver Mamutov, Remzi Memetov, Rustem Abiltarov ve Zevri Abseitovğa üküm çıqardı. Enver Mamutov 17 yıl sert apis cezasına mahküm etildi, Ruslan Abiltarov, Remzi Memetov ve Zevri Abseitov ise 9 yıl sert apis cezasına. Mabüslerden iç birisi qabaatını tanımadı. Olar cinaiy işniñ “siyasiy sebepleri bar”, dep qayd etti.

2016 senesi mayısnıñ 12-de Bağçasarayda Rusiye telükesizlik hadimleri musulmanlar, qırımtatarlarnıñ evlerinde ve yerli qavehanede bir sıra tintüvler keçirdi. Neticede dört Bağçasaray sakini: Zevri Abseitov, Remzi Memetov, Rustem Abiltarov ve Enver Mamutov yaqalanıp, terrorcılıqnen qabaatlanıldı. Olar, Rusiyede terrorcı sayılğan ve yasaq etilgen “Hizb ut-Tahrir” diniy teşkilâtınıñ işinde iştirak etüvnen şübeli sayıla.

Джерело UATV
дата 11.12.2019
категорії KREML MABÜSLERİ
поділитися
Топ новин на UA|TV