Sıñır aqqında aytışmalar: devlet başı Üç taraflı kontakt gruppasında ayrı ast bоlükni meydanğa ketirmege teklif etti

uatv
10.12.2019
Foto PO

Ukraina prezidenti Volodımır Zelenskıynıñ aytqanına köre, Minskte Üç taraflı kontak gruppası çerçivesinde, Ukrainağa sıñır üzerinde nezaretni keri qaytarmağa yardım etecek ayrı ayt bölükni meydanğa ketirmek kerek.

Bunı Ukraina devlet başı Pariste “Normandiya dördü” körüşüvi vaqtında teklif etti.

“Men Minskte ayrı ast bölükni meydanğa ketirmege teklif ettim. O sırf ukrain sıñırı üzerinde basamaq-basamaq nezaret qaytarılmasınıñ suallerinen oğraşacaq”, – dep qayd etti o.

Bu esnasnıñ ilk basamağı Donbassta yerli saylavlar başlağance yekünlenilmek kerek, dep saya devlet başı.

Dekabrniñ 9-nda, “Normadiya dördü” liderleri – Ukraina prezidenti Volodımır Zelenskıy, Frenkistan prezidenti Emmanuel Macron, Almaniya kantsleri Angela Merkel ve Rusiye devlet başı Vladimir Pütin Pariste körüştiler.

Oquñız: Ukraina, Almaniya, Frenkistan ve Rusiye “Normandiya dördü” sammiti vaqtında yılnıñ soñunace tamamınen ateşni toqtatmağa ve mabüslerni “er kesni er keske” formatta deñiştirmege añlaştılar.

Джерело UATV
дата 10.12.2019
категорії SİYASET
поділитися
Топ новин на UA|TV