Sentsov icadiy ve cemaat faaliyetini toqtatmaycaq, – İrina Geraşçenko

Bu sene, rejissör romandan ğayrı daa ikâyeler cıyıntığını derci etmege planlaştıra

uatv
11.01.2019

Foto Ukrinform-UATV

Kreml mabüsi, ukrain rejissörı Oleg Sentsov yañı romanını yazıp bitirdi. O icadiy ve cemaat faaliyetini toqtatmaycaq.

Bu aqta siyasiy mabüs Ukraina Yuqarı Radasınıñ birinci reis muavini İrina Geraşçenkoğa yollağan mektübinde yazdı.

Mektüp daa 2018 senesi dekabr 30-nda yazılıp yiberilgen, amma rus tsenzurasından keçken soñ Geraşçenko onı tek şimdi aldı.

“Men ruhtan tüşmeyim ve ümütsizlenmeycem -beklemesiñler! Ne icadiy, ne de cemaat faliyetimi toqtatmaycam”, – Oleg Sentsovnıñ mektübinden.

İrina Geraşçenko, rejissör, 2019 senesi onıñ ikâyeler cıyıntığı, romanı derc etilecegini ve onıñ stsenariyiniñ esasında sanalaştıruv qoyulacağını ya da film çekişleri başlaycağını beklegeni aqqında yazdı.

Qırım sakini Oleg Sentsovnı Rusiye mahkemesi 20 yılğa mahküm etti. O ilhaq etilgen Qırımda terror eylemlerini azırlağanında qabaatlanıla. Cezhasını mahküm Yamaldaki cezahanede çeke.

Menba UATV
tarih 11.01.2019
kategoriyalar KREML MABÜSLERİ
paylaşmaq
UA|TV top haberleri