Semena davası jurnalistlerniñ iş şaraiti qıyın olğanını hatırlata, – OSCE

uatv
04.02.2020
Foto Ukrinform-UATV

Avropada işbirlik ve telükesizlik teşkilâtınıñ Kütleviy haber vastaları serbestligi meseleleri temsilcisi Arlem Dezir jurnalist Mıkola Semenanıñ mahkümiyeti bağışlanğanını ve sınav müddeti soñuna kelgenini alğışladı. Semena öz körüşleri içün işğal etilgen Qırımda taqip etilgen edi.

Bunıñ aqqında OSCE saytında yazıla.

Avropada işbirlik ve telükesizlik teşkilâtınıñ temsilcisi, çoqtan berli ve toqtamayıp jurnalistniñ azat etilmesini talp etkenini hatırlattı.

“İlk-evelâ öz körüşlerini bildirgeni içün taqip etilgeni ağılğa sığmağan bir şey edi. Endiden o öz jurnalist faaliyetini kene de başlap olacaq ve serbest dolaşıp olacaq, dep ümüt etem”, – yazıla saytta.

Arlem Dezir, Semena davası jurnalistlerniñ iş şaraiti qıyın olğanını hatırlata, dep qayd etti.

Evel, Qırımlı jurnalist, Qırım.Aqiqat müellifi, Ukrainada nam qazanğan jurnalist Mıkola Semena Rusiye idaresi astındaki Aqmescit Jeleznodorojnıy rayon mahkemesiniñ sınav müddetiniñ vaqtından evel toqtatılğanı ve mahkümiyetiniñ lâğu etilgenine dair qararını aldı.

2017 senesi sentâbrniñ 22-nde Aqmescitteki Rusiye mahkemesi Semenanı üç yıl sınav müddeti ve üç yıl açıq faaliyetnen oğraşmaq yasağı ile eki buçuq yılğa şartlı olaraq apiske almağa qarar berdi. Şu yılnıñ dekabr ayında Kreml kontrolindeki Qırım Yuqarı mahkemesi Semenanıñ ükmüni qısmen yımşatıp, açıq faaliyet yasağını eki yılğa qısqarttı.

Джерело UATV
дата 04.02.2020
категорії KREML MABÜSLERİ
поділитися
Топ новин на UA|TV