Sanktsiyalar Rusiye Federatsiyasını Donbassnı qaldırıp ketmege mecbur ete, – William Taylor

uatv
11.09.2019
Foto Facebook ABD Elçiligi

Ukrainada Amerika Birleşken Devletleri meseleleri muvaqqat vekâletlisi William Taylor, Rusiyege qarşı qoyulğan sanktsiyalar Kremlni Donbasstan ordusını çıqarmağa mecbur etkeni aqqında aytıp berdi.

Bu aqta, o, Amerika Sesine bergen intervyüsinde bildirdi.

“Rusiyeliliyer, ve şu cümleden Kreml, Donbasstan ketmege isteyler. Rusiyeliiler is etken iqtisadiy yük, olarnıñ iqtisadına tesir etkenini körem. Ve bu yükni em Rusiye ükümeti, em Rusiye halqı ödey. Ve söz yalıñız sanktsiyalar aqqında degil. Çünki olar Donbasstaki ordusı içün ödemek mecburlar. Donbasstaki ve Qırımdaki hızmetlerine köstergen destek içün” , – dedi William Taylor.

Onıñ aytqanına köre, sanktsiyalar kerçekten de er bir rusiyelilige tesir ete.

Şunı da qayd etti ki, Ukraina ve Amerika arasında arbiy saadaki işbirlik pek yüksek seviyede.

“Bu işbirlik, daa iç bir vaqıt böyle küçlü olmadı. Şimdik müdiriyet Ukraina telükesiziligi içün daa ziyade yardım kösterdi, şu cümleden öldürici silâlar”, – dep yekünledi o.

Menba Amerika Sesi
tarih 11.09.2019
kategoriyalar SİYASET
paylaşmaq
UA|TV top haberleri