Sammit Ukraina-AB: Kyivge Tusk, Juncker ve Mogherini kelecek

uatv
05.07.2019
Foto day.kyiv.ua saytından

Bazarertesi künü, iyülniñ 8-nde, Kyivde ХХI Ukraina-AB sammiti keçirilecek. Anda Donbasstaki vaziyet, Azaq deñizi meselesi ve islâatlar keçirilmesi muzakere etilecek. Avropa Birligini prezidenti Donald Tusk ve Avropa Komissiyasınıñ başlığı Jean-Claude Juncker taqdim etecek.

Bu aqta Avropa Şurasınıñ saytına esaslanaraq DW haber etmekte.

“AB sammitte Ukraina topraq bütünligine qol tutqanını ve Minsk añlaşmaları becerilmesiniñ tarafdarı olğanını tasdıqlaycaq. Avropa şurasınıñ soñki oturışuvında AB liderleri Rusiyege qarşı sanktsiyalarnı devam ettirmege qarar aldılar”, – dep, aytıla beyanatta.

Bundan ğayrı, sammitke tış ve telükesizlik siyasetinden AB temsilcisi Federica Mogherini ve qomşulıq ve kenişlev meselelerinden Avropa komissarı Johannes Hahn kelecek. Olarnıñ ziyareti aqqında Ukraina TİN haber etti.

Menba UATV
tarih 05.07.2019
kategoriyalar UKRAİNA VE AB
paylaşmaq
UA|TV top haberleri