Rusiyeniñ sanktsiyaları Ukrainanıñ makroiqtisadiy turğunlığına tesir etmeycek, – UMB

Episi ukrain banklarından sınırlavlar altına sadece bir bank “Kredit Dnipro” oğradı

uatv
01.11.2018

Foto Ukrinform-UATV

Milliy bank reisiniñ birinci  muavini Yekaterina Rojkova aytqanına köre, 322 ukrain vatandaşına ve 68 şirketine qarşı Rusiye kirsetken sanktsiyaları Ukrainanıñ makroiqtisadiy turğunlığına tesir etmeycek. Bu aqta Ukrinform haber ete.

Rojkova, Ukraina Rusiye Federatsiyasına ve rusiyelilerge qarşı sanktsiyalarnı bayağı evel kirsetkenini qayd etti .

“Qarşı sanktsiyalarğa kelgende, Ukraina daa evel sanktsiyalarnı kirsetken edi, onıñ içün bazı kerekli çareler artıq yapıldı. Makroiqtisadiy turğunlıqqa kelgende ise, sanktsiyalarnıñ çoqusı hususiy şahıslarğa qarşı kirsetildi, yani sıñırlavlar naqıtsız paralarnıñ, aktivlerniñ, qıymetli kâğıtlarnıñ, ve Rusiyedeki banklarnıñ esaplarında olğan er şeyni muasara ete. Cedvelde mebüsler, devlet memurlar olğanı esapqa alınsa, Rusiyede öz paralarını tumağanlarına inanmaq isteyim. Er alda, bu olarnıñ şаhsiy paraları, ve bir türlü makroiqtisadiy turğunlıqqa tesir etmeycagine inanmaq isteyim”, – dedi UMB birinci reis muavini.

O, episi ukrain banklarından sınırlavlar altına sadece bir bank “Kredit Dnipro” oğrağanını bildirdi.

“Ve bu bank Rusiye ile iç bir ameller yapmağanına ümüt etem”, – qoştı Rojkova.

Menba Ukrinform
tarih 01.11.2018
kategoriyalar İQTİSADİYAT
paylaşmaq
UA|TV top haberleri