Rusiyeniñ esirliginde 113 ukrain qalmaqta, olardan 89 – qırımtatar

uatv
10.09.2019
Foto Facebook Lüdmila Denisova

Ukraina Yuqarı Radası insan aqları vekâletlisi Lüdmila Denisova, Rusiyede daa 113 Ukraina vatandaşı tutula, olardan 89 – qırımtatar, dep bildirdi.

Bunı, o, bir ukrain televizion kanalınıñ efirinde ayttı, dep haber ete Qırım. Aqiqat.

“Rusiyede daa 113 ukrain tutula, olardan 89 – qırımtatar. Bu adamlarnı qaytarmaq içün şimdi Rusiyenen aytışamız. Amma ne vaqıt bu olacağını aytıp olamayım. Ümüt etem, yılnıñ soñunacek olur”, – dep bildirdi Denisova.

Onıñ aytqanına köre, Rusiye esirliginden azat etilgen 10 ukrain siyasiy mabüsine dair şefaat aqqında qarar alınğan, Edem Bekirov ise – şahsiy mecburiyeti şartınen azat etilgen.

“24 ukrain deñizcisi, işançqa lâyıq bir kişi olaraq menim mecburiyetim altında azat etildi”, – dep qoştı Denisova.

Hatırlatamız: Oleg Sentsov ve Оleksandr Kölçenkoğa muvaqqat ev berildi.

Evel, Roman Suşçenko ve Оleksandr Kölçenko esirden azat etilgen soñ planları aqqında aytıp berdiler.

Menba UATV
tarih 10.09.2019
kategoriyalar KREML MABÜSLERİ
paylaşmaq
UA|TV top haberleri