Rusiyeniñ Dnipro suvına iddilarınıñ uquqiy temeli yoq, – prezident temsilcisi

uatv
13.08.2019
Foto Ukrinform-UATV

Qırımnıñ işğal başlıqları, Şimal Qırım beketi boyunca işğal etilgen yarımadağa suv teminatını yañartmağa isteyler. Olar Kremlge, Ukrainanen aytışmalarnı başlatmağa ricanen muracaat ettiler.

Bu aqta UATV Rusiye haber vastalarına atfı etip bildire.

Buna cevap olaraq, Qırım Mühtar Cumhuriyetindeki Ukraina prezidenti temsilcisi Anton Körineviç, memleketimiz Şimal Qırım beketi boyunca işğal etilgen yarımadağa suv teminatı toqtatılması aqqında qararnı qanunğa esaslanıp alğanını bildirdi.

“Qırım – Ukraina qısmıdır. Qırım, Rusiye Federatsiyasınıñ degil. Şunıñ içün Rusiye, devletlerara munasebetlerde Qırım ile bağlı suallerni köterip olamay. Qırım ile bağlı suallerni tek suveren devlet kötere bile, yani Ukraina”, – yazdı Facebookta Körineviç .

Onıñ aytqanına köre, Ukraina Dnipro özeniniñ yatağını degil de, Ukraina topraqlarında yerleşken beketni qapatqan. Bunı yapmaq içün memleketizniñ tam aqqı bar.

O, işğalci devlet işğal etilgen bölgege kerekli bütün resurslarnı temin etilüvinden mesül olmaq kerek olğanını qayd etti.

Menba UATV
tarih 13.08.2019
kategoriyalar QIRIM
paylaşmaq
UA|TV top haberleri