Rusiyege qarşı qoyulğan sanktsiyalarnıñ lâğu etilmesine sebepler yoq, – Maas

uatv
09.12.2019
Foto Twitter Heiko Maas

Almaniya Tışqı işler naziri Heiko Maas şimdilik Avropa Birligi Rusiye Federatsiyasına qoyğan sanktsiyalarnı lâğu etmek içün sebepler yoq, dep bildirdi.

Bu aqta UATV Almaniya Tışqı işler nazirliginiñ matbuat hızmetine atfı etip bildire.

“Ukrainada barışıq olmasına qoyulğan isse – Rusiye ve Avropa Birligi arasında munasebetlerniñ eyilleştirilmesine yoldır. Şarqiy Ukraina sakinleri pek çoq vaqıt tınçlıq bekledi. Al-azırda Rusiyege qarşı qoyulğan sanktsiyalarnıñ lâğu etilmesine sebepler yoq”, – dedi Maas.

Hatırlatamız: Noyabrde Zelenskıy ve Maas Donbassta telükesizlik vaziyetini ve gaz tranzitini muzakere etti.

Oquñız: Avropa ve Avropa Atlantik bütünleşüv meseleleri vitse nazir Dmıtro Küleba, “Normandiya dördü” körüşüvi Ukraina içün diplomatik muvafaqiyet olğanını bildirdi.

Джерело UATV
дата 09.12.2019
категорії Dünya
поділитися
Топ новин на UA|TV