Rusiyege qarşı qoyulğan sanktsiyalar yeterli degil, – William Taylor

uatv
18.09.2019
Foto Ukrinform

Ukrainada Amerika Birleşken Devletleri meseleleri muvaqqat vekâletlisi William Taylor, Rusiye Federatsiyasına qarşı qoyulğan sanktsiyalar yeterli degil, dep ayttı.

Bunı, o, “Gurcistan 1-nci kanalına” intervyü bergende bildirdi, dep haber ete UMH.

“Rusiyege qarşı sanktsiyalar yeterli degil, çünki bu vaqıt devamında rusiyeliler Donbass ya da Qırımnı qaldırıp ketkenlerini körmedik”, – dedi o.

O, Rusiyege qarşı qoyulması mümkün olğan diger sıñırlamalar bar olğanını qayd etti. Bu, mudafaa, energetika ve maliyeviy saalarında sektor sanktsiyaları ve bunıñ ile vizalar berilmesinde sanktsiyalar ola bile.

“Rusiyege qarşı alâ daa qullanmağanımız eñ küçlü sanktsiyalar, bunı özü Rusiye de yahşı bile, bu onıñ halqara maliyeviy sistemasından çıqarılmasıdır”, – dep bildirdi William Taylor.

Onıñ aytqanına köre, bu kibi tedbirler Rusiye içün mahv etici olur edi ve olarnıñ qoyulması tek “daa bir tecavuziy adım” olğan taqdirde mükün olur edi.

Evel William Taylor, Rusiyege qarşı qoyulğan sanktsiyalar Kremlni Donbasstan ordusını çıqarmağa mecbur etkeni aqqında aytıp berdi.

Menba UMH
tarih 18.09.2019
kategoriyalar Dünya
paylaşmaq
UA|TV top haberleri