Rusiyede mahalif faal Yelena Grigoryeva öldürildi

uatv
23.07.2019
Foto Facebook Mark Feygin

Sankt-Peterbargda rusiyeli mahalif faal Yelena Griroryeva öldürilgen tapıldı.

Bu aqta Facebookta advokat Mark Feygin haber etti.

Onıñ yazğanına köre, öldürilgen faalniñ cesedi çoq yerine pıçaqnen urulğan eken. Öldürüv sebebinden cinayet davası açıldı.

Qadınnıñ cesedi evi yanında tapılğanı aqqında bildirile.

Bundan ğayrı, aq-uquq qoruyıcı Dinar İdrisov, Yelena Grigoryeva soñki vaqıtlar öldürüvnen qorqutılğanını aytıp berdi. O ve onıñ advokatı, qorqutuvlar sebebinden defalarca qanun qoruyıcı organlarğa muracaat etkenler, amma bir türlü cevap olmağan.

Yelena Grigoryeva, muntzam tarzda Ukraina destegine keçirilgen miting ve bir kişilik piketlerde iştirak ete edi, LGBT, qırımtatarlar ve saibi olmağan ayvanlarnıñ aqları qorçalavınen oğraşa edi. Bunıñ ile ukrain rejissörı Oleg Sentsov ve jurnalist Roman Suşçenkonıñ Rusiye esirinden azat etilüvi tarafdarı edi. Faal Qırım işğalini de qabul etmey edi.

Menba UATV
tarih 23.07.2019
kategoriyalar Dünya
paylaşmaq
UA|TV top haberleri