Rusiyede faal Konstantin Kotovğa çıqrılğan üküm yañıdan baqılacaq

uatv
28.01.2020
Foto Ukrinform

Rusiyeniñ Anayasa mahkemesi siyasiy basqılarğa qarşı narazılıq ildirgen faal Konstantin Kotovğa çıqarılğan ükümni yañıdan baqıp çıqmağa qarar aldı.

Bu aqta Azatlıq Radiosı haber ete.

2019 senesi sentâbr ayında Konstantin Kotov kütleviy aktsiyalarnıñ keçirüv qadelerini bozğanı içün dört yıl apis cezasına mahküm etildi.

Yanvarnıñ 25-nde Rusiye prezidenti Vladimir Putin Baş prokuraturağa Kotovğa çıqarılğan ükümniñ doğrulığını teşkermege avale etti.

Konstantin Kotov, 2019 senesi avgust ayında yaqalanıldı. O, Rusiye Fedeartsiyası Ceza qanunnamesiniñ 212.1 maddesinenen qabaatlanıldı ve bir afta içinde 4 yıl apis cezasına mahküm etildi.

Oquñız: Sentâbrniñ 7-nde Ukraina ve Rusiye Federatsiyası arasında olıp keçken deñişüv neticesinde azat etilgen ukrain deñizcileri, Rusiyede repressiv maddege köre apis cezasına mahküm etilgen rusiyeli göñülli Konstantin Kotovğa para toplap yiberdiler.

Джерело UATV
дата 28.01.2020
категорії KREML MABÜSLERİ, SİYASET
поділитися
Топ новин на UA|TV