Rusiye Ukrainanıñ daa bir qısmını zapt etecek ola, – Petro Poroşenko

Kyivniñ, Rusiye askerleriniñ ukrain flotuna ucum etkenine dair isbatları bar

uatv
29.11.2018

Foto PM

Azaq-Keriç akvatoriyasındaki Rusiyeniñ tecavuzı, Rusiye Prezidenti Vladimir Putin ukrain topraqlarınıñ daa bir qısmını zapt etmek niyetinde olğanını köstere.

Bunı Ukraina Prezidenti Petro Poroşenko Bild alman gazetine intervyü bergende bildirdi, haber ete Avropa aqiqatı.

“Bizim flotumız halqara uquqnı riayet ete. Bizde, Rusiye askerleri flotumızğa ucum etkeniniñ isbatları bar.Bu tecavuziy areketke çare körmek kerek edik, şunıñ içün bir qaç vilâyette cenk vaziyetini ilân ettirdim, çünki memleketimizni mudafaa etmek kerekmiz. Bu 2014 senesi vaqiaları kibi, Putin Ukrainanıñ daa bir qısmını zapt etecek ola”, – tarif etti Ukraina Prezidenti.

Onıñ sözlerine köre, Vladimir Putin özüni padişa kibi, Ukrainanı ise özüniñ  müstemlekesi kibi köre. Amma vaziyet böyle degil, “Ukraina artıq bir müstemleke degil”.

Devlet başı şunı da qayd etti ki, Putin Ükriana NATO ve Avropa Birligi azası ola bilecegini qabul etip olamay.

Menba Avropa aqiqatı
tarih 29.11.2018
kategoriyalar SİYASET
paylaşmaq
UA|TV top haberleri