Rusiye, Ukrainada tınçlıq içün eñ büyük maniadır, – Linas Linkâviçüs

uatv
06.11.2019
Foto Twitter Linas Linkâviçüs

Rusiye Federatsiyası, Ukrainada barışıq içün “eñ büyük maniadır”.

Bu aqta Litvaniya Tışqı işler naziri Linas Linkâviçüs bildirdi, dep haber ete Azatlıq Radiosı.

“Bu (barışıq) esnasında ğaliba eñ büyük maniya – Rusiye özüni bitaraf devlet kibi köstergenidir. Amma aynı zamanda çatışmanıñ faal iştirakçisidir, amma resmiy olaraq böyle kibi tanılmay”, – qayd etti nazir.

Bunıñ ile o qayd etti ki: Moskva Donbasstaki boyeviklerge “añlaşmaq kereksiñiz, biz ise yardım etermiz” dep ayta, amma kerçekten er şey “tersine barğance” ola.

Al-azırda er kes tek Normand dörtü sammiti aqqında laf etkenini de qoştı.

“Bunı yapmasınıñ pek qıyın olğanını añlayım, amma bu mesele çezilmesinde Ukraina prezidentiniñ samimiy niyetini de duyam”, – dedi o.

Hatırlatamız: Ukraina ve Litvaniya İslâatlar meseleleri halqara konferentsiyağa azırlıqnı muzakere ettiler.

Menba Azatlıq Radiosı
tarih 06.11.2019
kategoriyalar SİYASET
paylaşmaq
UA|TV top haberleri