Rusiye tarafından Keriç boğazında ukrain gemilerniñ tutuqlaması üç qat arttı

uatv
18.10.2019

Avgust-Sentâbr aylarda , Rusiye Keriç boğazında Mariupol ve Berdânsk limanlarına yol alğan ukrain gemilerni daa çoq toqtatmağa başladı.

Bu aqta “Meydannıñ tış işlerniñ” nezaret şuranıñ reisi Andrey Klimenko feysbukta haber etkenini UATV bildire.

“Keriç boğazınıñ ögünde “mariupol” ve “berdânsk” gemilerniñ mecbur toqtatqanlarnıñ sayısı bayağı östi. Azaq deñizge kirişte 2,4 qat, Azaq deñizden çıqışta ise 3,2 qat yükseldi”- qayt etti Klimenko.

Onıñ sözlerine köre, böyle nezaret malümatnı “Qara deñiz stratecik araştırmalarnıñ institutı”, ” Meydan tiş işleri” ve BlackSeaNews aldılar.

Bu yılnıñ yazında ve küzde “mariupol” ve “berdânsk” gemilerni boğazdan ananeviy nevbetnen keçmek degil de, ayrı nevbet tizeler ve bir qaç künde bir kere keçmege izin bereler. Klimenko ayta ki, ukrain gemilerniñ mecbur toqtatuvları 2018 sentâbr-oktâbr aylarındaki raqamlarğa qayttı.

Bundan da ğayrı, o Ukraina tamam şimdi rusiye “Azov”, “Rostov-na-Donu”, “Temrük”, “Port-Kavkaz” limanlarına sanktsiyalarnı küsleştirmek keregini ayttı. Çünki şu limanlardan er kün işğal Qırımğa qanunsız muntazam taşımalar ola.
Hatırlatamız, YÜNESKO işğal Qırımda olğan vaziyetiniñ monitoringni daa bir yılğa uzattılar.

Menba UATV
tarih 18.10.2019
kategoriyalar QIRIM
paylaşmaq
UA|TV top haberleri