Rusiye saylavlardan soñra aman MSK sistemasına kirişmege tırıştı, – İİN

uatv
12.04.2019
Foto İİN

Prezident saylavlarınıñ birinci turından soñ, reyler sayılğan gece, Ukraina Kibernetik polisi Rusiye tarafından Merkeziy saylav komissiyasınıñ sistemasına kirişmege ıntuluvlar olğanını bildirdi.

Bu aqta Ukraina içki işler nazri Arsen Avakov bildirdi, haber ete idareniñ matbuat hızmeti.

“Bu ücümler kütleviy olmadı. Hakerler sistemalarımıznıñ qabiliyetlerini ögrendi. Amma sistemalarımız ğayet işançlı, Mahsus alâqa devlet hızmeti, Ukraina telükesizilk hızmeti ve kibernetik polis hadimlerine teşekkürler bildirmek kerekmiz”, – dedi nazir.

O qayd etti ki, aqiqiy saylavlarnıñ ötkerilmesi – milliy telükesizliginiñ meselesi.

“Eger esnas şeffaflı olmasa edi, ya da prezident qanunsız olaraq saylanılsa edi, ihtimal ki narazılıq aktsiyalar olur edi. Qarma-qarışıqlıq başlanır edi, Ukraina ise zayıflaşır edi. Şunıñ içün saylavlarnı öyle keçirmek kerekmiz ki, Rusiye iç bir provokatsiya yapıp olamasa”, – dedi o.

Menba UATV
tarih 12.04.2019
kategoriyalar UKRAİNA
paylaşmaq
UA|TV top haberleri