Rusiye “Normand dörtlügi” sammitini bozmağa istey, – Vadım Prıstayko

uatv
08.10.2019
Foto Ukrinform-UATV

Rusiye Fedreatsiyası, “Normand dörtlügi” sammitini bozmaq içün yañı sebepler qıdıra.

Bu aqta Ukraina Tışqı işler naziri Vadım Prıstayko ukrain televizion kanallarından birisiniñ yaynında bildirdi, dep haber ete UATV.

“Rusiye körüşüv keçirilmesinen meraqlanğanını körmeyim. Bu vaqıt devamında, körüşüv künü eñ az bir qaç kere deñiştirildi, ve ep başqa künge qaldırılmağa devam etile. Birinci kere, Putinniñ körüşüvge kelmek içün nasıldır tehnikiy ikânsızlığı çıqtı. Künni frenkistan teklif etken edi, ve eki memleket lideri de”, – dedi nazir.

Onıñ aytqanına köre, al-azırda yañı künler teklif etile, Rusiye ise alâ daa öz cevabını bermegen.

Prıstaykonıñ fikrince, Putin Donbasstaki şimdiki vaziyetnen memnün ve Rusiye prezidenti ileride de işğal etilgen bölgeler içün yılda 1,5-2 milliard dollarlıq para masraf etmege azır.

Ukraina Tışqı işler naziri Vadım Prıstayko, Yuqarı Rada daa qabul etmegen eki qanunsız “Ştaynmayyer formulasınıñ” iç emiyeti yoq, dep bildirdi.

Menba UATV
tarih 08.10.2019
kategoriyalar SİYASET
paylaşmaq
UA|TV top haberleri