Rusiye işğalcileri qırmtatarnıñ evinde nevbetteki tintüvni keçirdi

Canköy rayonınıñ Qalay (Azovskoye) qasabasında yerli sakin Halil Ablâmitovnıñ evini tintildi

uatv
08.11.2018

Foto: Facebook/Crimeansolidarity

Noyabrniñ 8-nde, qanunsız sürette ilhaq etilgen Qırım yarımadasında, Canköy rayonınıñ Qalay (Azovskoye) qasabasında rusiye quvetçileri yerli sakin Halil Ablâmitovnıñ evini tinttiler.

Bu aqta Azatlıq Radiosı (radio Svoboda) haber ete.

Tintüvden soñ, ev saibiniñ oğlu ve apayı Aycan yaqalanıldı ve Aqmescittke alıp ketirilldi.

Qırımtatarnıñ evi saba saat 7-de tintilmege başlandı. Qanunsız tintüvni üç maşnanen kelgen tahminen 20 quvetçi keçirdi. O vaqıt evde beş qoranta azası, olardan birisi – bir yarım yaşlı bala bar edi. Tintüv vaqtında esli-başlı baba yaramadı, evlerine “acele yardım” çağırtıldı, – denile bildirüvde.

Tintüv aqqında Twitter içtimaiy ağında Ukraina Tış işler nazirliginiñ spikeri Maryana Betsa yazdı. Onıñ sözlerine köre, Rusiyeniñ maqsadı – Qırımnıñ tamır halqını yoq etmektir. “Cinayetlerniñ isbatlarını halqara mahkemelerge berecekmiz”, -yazdı o.

İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen “Hizb ut-Tahrir” teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam sürette kütleviy tintüvler ötkere.

Menba Azatlıq Radiosı
tarih 08.11.2018
kategoriyalar QIRIM
paylaşmaq
UA|TV top haberleri