Rusiye işğalcileri 24 kere tınçlıq rejimini bozdı

uatv
13.07.2019
Foto Mudafaa Nazirligi

Keçken 24 saat içinde, iyülniñ 12-nde, BQO zonasında Rusiye Federatsiyasınıñ silâlı şekillenmeleri tarafından 24 kere ateş açıldı. 13 kere Minsk añlaşmalarınen yasaq etilgen silâdan – 122 kalibr artileriya sistemalarından, 120 ve 82 kalibr mina topularından. Bundan ğayrı, duşman çeşit sistema grana topularından, tanklarğa qarşı raketa komplekslerinden, BMP büyük kalibrli pulemetlardan ve atıcılıq silâsından ateş açqan.

Bu aqta BQO ştabı Facebook saifesinde haber etmekte.

Böyle etip, “Shid” bölgesi rayonlarında Lebedinske, Novotroyitske, Vodâne, Berezove, Avdiyivka, Piskı, Maryinka civarlarında 15 kere atışlar olğan. Bundan ğayrı, Pavlopol ve Novomihaylovka yanında da atışlar olğan.

“Pivniç” bölgesi rayonlarında, Zaytsevo, Travneve, Novoluganske, Novoaleksandrivka ve Svitlodarsk civarlarında, hususan Popasna ve Zolote-4 rayonunda 9 kere ateş açılğan.

Çatışmalar neticesinde, eki ukrain arbisi yaralandı.

İstiqbaratnıñ malümatına köre, işğalciler arasında biri öldürildi ve daa üçü yaralandı.

Menba UATV
tarih 13.07.2019
kategoriyalar Donbass
paylaşmaq
UA|TV top haberleri