Rusiye gemiler ve deñizcilerni zapt etkeni içün tazminat ödemek kerek, – TİN

uatv
19.11.2019
Foto Ukrinform-UATV

Ukraina Tışqı işler nazirliginiñ spikeri Yekaterina Zelenko, Rusiye ukrain deñizcileri ve gemileri zapt etilüvi davası boyunca tazminat ödemek kerek dep bildirdi.

Bu aqta Gromadske haber ete.

“Gemiler zapt etilgen vaqıttan 358 kün keçti, Rusiyege olarnı qaytarmak içün yarım yıl kerek oldı. Halqara mahkemeniñ qararına köre ise, Rusiye oların birden qaytarmaq kerek edi. İleride daa gemiler nasıl alda olğanını teşkerüv”, – dep qayd etti Zelenko.

Onıñ aytqanına köre, noyabrniñ 21-22-de Gaagada üç geminiñ tiyilmemezligi bozulğanı mevzusında mahkeme olıp keçecek.

“Protsedura nasıl tarzda keçecegi aqqıda qarar alacaqmız. Rusiye halqara uquqnı bozdı ve tazminat ödemek kerek”, – dep yekünledi o.

Oquñız: Ukraina qaytarılğan gemiler nasıl aldı olğanlarını teşkermek içün ekspertiza keçirecek.

Ukrainanıñ “Berdânsk” ve “Nikopol” zırhlı katerleri ve “Yañı Qapu” reyd buksirini Rusiye arbiyleri keçken sene noyabrniñ 25-nde zapt etti. Gemiler Odesadan Mariupolge, Keriç boğazından Azaq deñizine keçmek içün yol tuta edi. Rusiyeniñ “Don” sıñır gemisi aselet bir qaç kere çarptı, “İzumrud” gemisi ise “Berdânsk” katerine qarşı ateş açtı. Gemiler zap etilgen soñ Ukraina Silâlı Quvetleriniñ ştabı eline keçirgen rus arbiyleriniñ laf etişkenini yayınladı.

Ücüm neticesinde 24 ukrain deñizcisi esir etildi. Üçü yaralandı. Moskva mahkemesi, ekipaj azalarını sıñırnı qanunsız surette keçti dep esassız qabaatladı. Ukrain gemileri tutup alındı ve Keriçte qaldı. Deñizcilerni ise Lefortovo taqiqat tevqifhanesine ketirdiler.

Aprelniñ 16-nda Ukraina deñiz uquqı boyunca Halqara mahkemege, zapt etilgen ukrain deñizcileri ve gemileriniñ azat etilmesi içün Rusiyege qarşı vaqıtnca cezalav çaresini almaq ricanen muracaat etildi.

Mayısnıñ soñunda deñiz uquqı boyunca Halqara mahkemesi Ukraina faydasına qarar aldı ve Rusiyeni arbiy deñizcilerni ve gemilerni deral azat etmege mecbur etti. Kreml bu qararnı körmemezlike urdı.

Ahır-soñu, üç aydan soñ deñizciler Vatanğa qayttı. Bu, Kyiv ve Moskva arasında olıp keçken qarşılıqlı deñişüv çerçivesinde oldı. Berdânsk” ve “Nikopol” zırhlı katerlerni ve “Yañı Qapu” reyd buksirini Rusiye o vaqıt qaytarmadı. Oktâbr ayında Ukraina Tışqı işler naziri Vadım Prıstayko, gemilerniñ qaytaraılması esnası yekünlenilmekte dep bildirdi.

Menba UATV
tarih 19.11.2019
kategoriyalar UKRAİNA
paylaşmaq
UA|TV top haberleri