Rusiye Federatsiyasınıñ Azaq deñizindeki tecavuzı sebebinden Büyük Britaniya sanktsiyalar qoymağa talap ete
Theresa May, Kremlni ukrain ceñizcilerini azat etmege çağırdı
Foto AR
Büyük Britaniya baş naziri Theresa May, Rusiye Federatsiyasınıñ Azaq deñizindeki tecavuzı sebebinden yañı sanktsiyalar qoymasını talap etecegini bildirdi.
Bunı o Argentinadaki G20 sammitinde dedi, haber ete Ukrinform Independent-ke atıf etip.
“Biz Avropa Birliginde daima Rusiyeniñ areket tarzı sebebiden oña nisbeten sanktsiyalarnıñ faal tarafdarı edik. Oña qarşı sanktsiyalar qoymağa talap etmege devam etecekmiz”, – qayd etti siyasetçi.
Ayrıca o Moskvanı ukrain esir asker deñizcilerini azat etmege çağırdı.
“Rusi içün beyanatımız açıq-aydındır – olar gemi ve deñizcilerni azat emek ve kerginlikni eksilttirmek kerekler”, – bildirdi Theresa May.
Evel Britaniya parlamentiniñ azaları Rusiye Federatsiyasınıñ arbiy adamlarına sanktsiyalar qoymaq teklif etken ediler.
| Menba | UATV |
| tarih | 30.11.2018 |
| kategoriyalar | Dünya |
| paylaşmaq |