Rusiye Federatsiyasına qarşı sanktsiyalar ciddiy deñişmeler olmağance amelde olmalı, – Josep Borrell

uatv
08.10.2019
Foto Ukrinform – UATV

Avropa Şurasınıñ Tışqı işler ve telükesizlik siyaseti Üyken temsilcisi vazifesine namzet Josep Borrell, Rusiye bütün Avropa içün havflı olğannı bilidirdi. Şunıñ içün Moskvağa qarşı qoyulğan sanktsiyalar, onıñ siyasetinde ciddiy deñişmeler olmağance amelde olmalı, dedi.

Bu aqta, o, Avropa Parlamentinde yapqan çıqışında ayttı, dep bildire Avropa aqiqatı.

“Rusiyege qarşı sanktsiyalarnı, cddiy deñişmeler olmağance devam etmelimiz”, – dep qayd etti diplomat.

Onıñ aytqanına köre, bunı yapmaq içün Avropa Birligi birleşmeli. Çünki sanktsiyalar Qırım ve Donbass qısmınıñ qanunsız işğali sebebinden qoyuldı.

“Rusiye öz siyasetini deñiştirmegence, sanktsiyalar devam etmeli”, – dedi İmpaniya Tışqı işler nazirliginiñ sabıq reberi.

O, Ukraina suvereniteti ve topraq bütünligine qoltutmağa devam etecegini bilidrdi.

Borrel, noyabrniñ 1-inde Avropa Şurası diplomatiyasınıñ yolbaşçılığını soñki beş yıl devamında becergen italiyalı Federika Mogerinini deñiştirecegi beklenile.

Letoniya Tışqı işler naziri Edgars Rinkeviçs, Qırım işğali içün Rusiyege qarşı qoyulğan sanktsiyalar saqlanıp qalmaq kerek, dep qayd etti.

Menba Avropa aqiqatı
tarih 08.10.2019
kategoriyalar CEMİYET
paylaşmaq
UA|TV top haberleri