Rusiye Federatsiyası tecavuzı başlamasınıñ altı yıllığı: Ukraina işğalcilerge basqını arttırmağa davet ete

uatv
20.02.2020
Foto Ukrinform-UATV

Ukraina Tışqı işler nazirligi halqara toplulığını Rusiyege siyasyi-diplomatik ve iqtisadiy basıqıın arttırmağa dvayet ete.

Bu aqta idareniñ Ukrainağa qarşı Rusiye tecavuzı başlamasınıñ altı yıllığı munasebeti ile bildirmesinde yazıla.

“2014 senesi fevralnıñ 20-nde Rusiyeniñ orduları, qıtada tınçlıq ve telükesizlikni bozıp, Qırım Muhtar Cumhuriyeti ve Aqyar şeeriniñ işğalini başladı. Rusiye etken halqara cinayetniñ aqibetleri facialı – Ukraina topraqlarınıñ bir qısmı işğal etilgen, on biñlernen elâk olğan ve yaralanğanlar, memleket içinde yaşağan yerini deñiştirmege mecbur kalğan bir buçuq million kişi ve vaqtınca işğal etilgen topraqlarda yaşamağa mecbur olğan million ukrainler”, – yazıla beyanatta.

Ukraina Tışqı işler nazirligi yarımadada qırımtatarlarğa ve ukrainlerge qarşı yapılğan repressiyalarnı da qayd etti.

“Rusiye işğalci devlet olaraq halqara vazifelerini körmemezlikke ura. İşğalci, ukrain kimliginiñ kösterilüvini bile ağır cinayet dep saya. Qırımnıñ tamır halqı – qırımtatarlar – repressiyalarğa oğray. Sahte qabaatlavlar esasında siyasiy sebeplerden başlatılğan taqipler Rusiye işğalci akimiyeti içün adiy bir şey oldı”, – qayd etti nazirlik.

İdare, halqara toplulıqnı “Ukrainağa qarşı silâlı istilânı toqtatmaq ve qanunsız şekilde tutulğan Ukraina vatandaşlarını azat ettirmek içün Rusiyege siyasiy-diplomatik ve iqtisadiy basqı quvetleştirmesine davet etti”.

Джерело UATV
дата 20.02.2020
категорії UKRAİNA
поділитися
Топ новин на UA|TV