Rusiye Federatsiyası mabüs Baluhnı ukrain vatandaşlığından murum etecek ola

uatv
14.05.2019
Foto Qırım. Aqiqat

Rusiyede qanunsız sürette mahküm etilgen ukraina sisâsiy mabüsi Volodımır Baluhnı vatandaşlığından marum etecek olalar.

Bu aqta Tver vilâyetindeki Tüzetüv cezahanesinde tutulğan mabüs aq-uquq qoruyıcı Alöna Popovağa yollağan mektübinde yazdı. Onıñ mektübini Alöna öz Facebook saifesinde yerleştirdi.

Mektüpte, Baluhnıñ mekân qaydı Qırım olğanı içün onı Rusiye vatandaşı sayıp, ukrain konsulı ile körüşmege izin berilmemegeni yazıla.

Evel, Kreml mabüsiniñ sağlıq alı fenalaşqanı aqqında haber etilgen edi.

Baluh cezahane müdiriyetiniñ adına, grajdan ekimi tarafından baqılmasını isteginen ariza yazdı. İmayesi cezahane reberligi izin berecegine ümüt ete.

Volodımır Baluh ceza izolâtorında mayısnıñ 19-na qadar bulunacaq.

HATIRLATAMIZ: Rusiye Federal telükesizlik hızmeti hadimleri Volodımır Baluhnı 2016 senesi yaqaladı. Qırım mahkemesi onı, sahte ve uydurma qabaatlardan qararnen 5 yıl apis cezasına mahküm etti. Qırım sakini esassız patronlar saqlap tutuvda ve tevqifhane reberini uruvda qabaatlanıldı. Baluhnıñ imayesi ve uquq qoruyıcılar, o Ukraina tarafdarı olğanından sebep repressiyalar qurbanı oldı dep tüşüne.

Menba UATV
tarih 14.05.2019
kategoriyalar KREML MABÜSLERİ
paylaşmaq
UA|TV top haberleri