Rusiye Federatsiyası işğal etilgen yarımadadan qırımtatarlarnı sıqıştırıp çıqara, – Eskender Bariyev

uatv
08.08.2019
Foto Ukrinform-UATV

Qırımtatar halqı Milliy Meclis azası Eskender Bariyev, Rusiye Federatsiyası işğal etilgen yarımadadan qırımtatarlarnı ve Ukraina tarafdarlarını maqsatlı tarzda sıqıştırıp çıqarğanını bildirdi.

Bu aqta Azatlıq Radiosı haber ete.

“İşğal etilgen Qırımğa maqsatlı tarzda Rusiye Federatsiyasından adamlarnı yerleştire. Olar başqaca fikir yürseteler, ruhiyatı farqlaşa”, – dep inana Meclis azası.

O, Rusiye, Kremlge muhalif ealiden qurtulmaq içün elinden kelgenini yapa, dep saya.

“Bu bölgede, bu ayrı bir geosiyasiy ve siyasiy menfaatlar. Yani, menfiy şartlar yaratıp, Rusiye Federatsiyası Qırımnıñ tamır halqı – qırımtatarlarnı ve Ukraina tarafdarlarını sıqıştırıp çıqara”, – dep añlattı Bariyev.

Onıñ bildirgenine köre, 2014 senesinden başlap, işğal etilgen Qırımğa 200 biñ rusiyeli keldi.

“Soñki vaqıtları, belediye ve devlet hızmetlerinde esas vazifelerge daa ziyade Rusiyeden adamlarnı tapmağa tırışalar. Bunıñ ile Qırımğa cinaiylik köçti, ve o belli bir biznes saalarını idare ete. Pek çoq Orta Asiyadan gösterbayterler – üzbekler, ticikler. Kütleviy astyapı quruvı sebebinden ucuz iş küçü kerek” , – tarif etti Meclis azası.

Bariyev, qarımtatarlar ve Ukraina tarafdarlarınıñ aqlarını halqara seviyede qorçalamaq kerk olğanını hatırlattı.

“Qırımda olarnıñ bar oluması ve ilerideki yaşamaları – bu da küreştir”, – dep yekünledi o.

Menba Azatlıq Radiosı
tarih 08.08.2019
kategoriyalar QIRIM
paylaşmaq
UA|TV top haberleri