Rusiye Federatsiyası “Berdânsk” ve “Mariupol” limanlarını qısmen açtı

Gemiler ukrain limanlarına Keriç boğazından em kirme ve em çıqma kibi areketlerini yapalar

uatv
04.12.2018

Foto mtu.gov.ua saytından

İnfraterkip nazirliginiñ malümatına köre, 2018 senesi dekabrniñ 3-nde, Rusiye Ukrainanıñ “Berdânsk” ve “Mariupol” limanlarını qısmen açqan.

Bu aqta nazir Volodımır Оmelyan bildirdi, haber ete İnfraterkip nazirliginiñ matbuat hızmeti.

“E, “Berdânsk” ve “Mariupol” limanlarını qısmen açıldı. Gemiler ukrain limanlarına Keriç boğazından em kirme ve em çıqma kibi areketlerini yapalar. Gemiler evel olğanı kibi de Rusiye tarafından toqtalılalar, teşkerileler, ammma gemiler içün yol areketi qısmen açıldı”, – dedi Volodımır Оmelyan.

Şunı da qayd etti ki, Azaq deñizine keçmek içün 17 gemi beklemekte, çıqmaq içün – 1. Daa 9 gemi limanlarnıñ iskelelerindedir.

Nazir ayrıca qayd etti ki, Rusiye ukrain akimiyetiniñ kelişilip yapılğan eylemleri ve halqara toplulığınıñ sert qarşılığınıñ neticesinde Ukraina limanları qısmen açtı.

Menba UATV
tarih 04.12.2018
kategoriyalar UKRAİNA
paylaşmaq
UA|TV top haberleri