Rusiye Fedartsiyası işğal etilgen Qırımda 30 biñden ziyade asker topladı, – itishbarat

uatv
12.11.2019
Foto Ukrinform-UATV

Rusiye Qırımnı işğal etkeninden berli Kreml muntazam tarzda öz ordusınıñ bulundırıluvını arttıra. Bugünde işğal etilgen yarımadada Rusiye Federatsiyası Silâlı quvetleriniñ 31,5 biñ askeri buluna.

Bu aqta UATV Baş istihbarat idaresine atfı etip bildire.

“Rusiyeniñ tecavuzı ve yarımadanıñ zapt etilüvi başlanğanınen Qırımda Rusiye ordusınıñ bulundırılması arttılığanını közetemiz. Ukraian arbiy istihbaratınıñ malümatına köre, Qırımda Rusiye Federatsiyası Silâlı quvetleriniñ 31,5 biñ askeri buluna. Bundan ğayrı anda daa diger işğal müfrezeleri bar, bu ise qoşma daa 10-12 biñ”, – dedi Vadim Skibiykiy.

Onıñ aytqanına köre, Rusiye askerlerniñ sayısını daa Şuralar Birliginiñ dağılmasınadan evel Qırımda bar olğan köstergiçke qadar arttıracaq ola.

Donbsstaki vaziyetke kelgende, anda boyeviklerni Cenübiy arbiy bölgesiniñ ştabı, Rusiye Federatsiyasınıñ Baş ştabı ve Mudafaa nazirligi idare ete. İstihbaratçılarımız Ukrainanıñ işğal etilgen bölgelerinde daima Cenübiy arbiy bölgesiniñ zabitleri ve generallarınıñ bulunmasını qayd ete.

Rusiyeniñ işğal akimiyeti Qırımda ileride mabüslerniñ sayısını bayağı arttırmağa yardım etecek eki yañı taqiqat tevqifhanesini quracaq.

Menba UATV
tarih 12.11.2019
kategoriyalar QIRIM
paylaşmaq
UA|TV top haberleri