Rusiye deñizcilerni yaqın vaqıtta azat etecek, – Pavlo Klimkin

uatv
10.07.2019
Foto Ukrinform-UATV

Rusiye prezidenti Vladimir Putin deñizcilerni yaqın vaqıtta azat etecek, amma onıñ yerine olduqça çoq siyasiy üstünlikler isteycek, dep bildirdi Ukraina Tışqı işler nazirliginiñ başı Pavlo Klimkin.

Bu aqta Ukraina milliy haberleri bildire.

“Eminim ki, arbiy esir deñizciler yaqın vaqıtta azt etilecekler”, – dedi o.

Nazirniñ fikrince, Rusiye içün sanktsiyalar lâğu etilmesine irişmege pek müimdir.

“Putin içün bu meseleni al etmek mümdir, bu menim şahsiy fikrim: G7 sammiti vaqıtnda, Donbass vaziyetinen bağlı körüşüvlerde, belki de Normand şeklinde. Bunı o tamam bu köntekstte qullanmağa tırışacaq. Elbet de onıñ içün daa müim, Avropada sanktsiyalarğa dair birdemlik azlaşması… Mınada kimler oturğanı oña epsi bir (Ukrainadaki rusiyeli apisliler). Oña bu meraqlı degil. Onıñ içün tek bir şey meraqlı: esaslanmalarnı kötermek içün eyi bir vaziyet qazanmaqtır”, – dedi Pavlo Klimkin.

Menba UMH
tarih 10.07.2019
kategoriyalar KREML MABÜSLERİ
paylaşmaq
UA|TV top haberleri