Rusiye Avropa memleketlerini sıqıştıra, – Almaniya mudafaa naziri

uatv
17.02.2020
Foto AP

Rusiye Avropanıñ devletlerine öz melez ücümlerinen ve topraq bütünliklerine sayğısızlıq kösterip, olarnı sıqıştıra.

Bu aqta Almaniyanıñ mudafaa naziri Annegret Kramp-Karrenbauer bildirdi.

“Almaniya, Avropa öz siyasetine riayet etip, menfaatlarını qorçalağanlarını ister edik. Ve söz tek ABD ve Çin ile muntazam reqabet, ya da Avropanıñ devletlerine öz melez ücümlerinen ve topraq bütünliklerine sayğısızlıq kösterip, olarnı sıqıştırğan Rusiyenen munasebetler aqqında degil”, – dedi nazir.

Onıñ fikrince, ğarbiy memleketler ögünde şimdi tek mefküriy degil, amma tam sürette konkret telükesizlik bar.

Misal olaraq, o, Qırımnıñ işğali, terrorcılıq, Suriyedeki cenk ve özek silâsınıñ tarqalmasını ketirdi.

“Biz azatlıq, uquq, demokratiya tarafdarımız. Biz çoq taraflı ve adaletli serbest ticaret ve açıq cemiyetke qoltutamız. Biz, almanlar ve avropalılar halqara siyasetke büyük isse qoşıp olamız ve bunı yapmağa da isteymiz”, – dep yekünledi o.

Джерело Ukrinform
дата 17.02.2020
категорії SİYASET
поділитися
Топ новин на UA|TV