Rusiye aviatsiyası Suriyeniñ bir qaç qasabasını ateşke tuttı, zararlanğanlar bar

uatv
10.06.2019
Foto Azatlıq Radiosı

Başar Asad rejiminiñ ve Rusiye Federatsiyasınıñ arbiy ava quvetleri Suriyede arbiy dava zonasında mesken yerlerge ucumlar yaptı. Bu ucumdan soñ 6 tınç sakin elâk oldı, daa 39 kişi yaralandı.

Bu aqta Avropa Aqiqatı yazmaqta. Olar ise tükrkiyeniñ Anadolu Agentligine esaslana.

Gece Han-Şeyhun rayonlarına, İdlib vilâyetindeki Temaniya, Şeyh İdris, Maarşurin ve Et Tuh şeerlerine, Hama vilâyetiniñ şimalindeki Latamine ve Kefer Zita rayonlarına ucum etilgen. Qayd etilgenine köre, elâk olğanlarnıñ sayısı artabile.

Suriye muqalefetinde haber etkenlerine köre, Han-Şeyhun, Latamine, Kefer Zita ve Maarşurin şeerlerine ucum Rusiye tarafından yapılğan.

“Eki uçaq Hmeyimi avibazasından avağa köterildi”, – dep aytıla beyanatta.

Menba Avropa aqiqatı
tarih 10.06.2019
kategoriyalar Dünya
paylaşmaq
UA|TV top haberleri