Rus işğalcileri Qırım siyasiy mabüslerniñ advokatını yaqaladılar

Emil Kürbedinov ekstremizmde qabaatlanıla

uatv
06.12.2018

Foto 15minut saytından

Dekabrniñ 6-nda, işğal etilgen Qırımda, ekstremizm ile küreş merkeziniñ hadimleri Qırım siyasiy mabüslerniñ advokatı Emil Kürbedinovnı yaqaladı.

Bu aqta jurnalist Anton Naumlük Facebook saifesinde haber etti.

“Emil Kürbedinov ekstremizm ile küreş merkeziniñ hadimleri tutup aldılar, o Rusiye Memuriy cinayetler kodeksiniñ 20.3 maddesine köre şeklene (natsist işaretleri ya da timsalleri, ekstremist teşkilâtlarnıñ işaretleri ya da timsalleri, ya da federal qanunlarnen yasaqlanğan işaret ve timsalleriniñ teşviqatı ve açıq numayış etilmesi)”, – dep yazdı jurnalist.

Kürbedinov evden ofiske ketkende tutuldı. Bunı İç işler nazirliginiñ idaresinden haber etip oldı.

2017 senesi, yanvar ayındı, Emil Kürbedinov “VKontakte” içtimayi ağındaki Hizb ut-Tahrir timsali ile yazısı içün aynı qabaatlavğa köre 10 künge tevqif etilgen edi.

Menba UATV
tarih 06.12.2018
kategoriyalar QIRIM
paylaşmaq
UA|TV top haberleri