Roman Suşçenko, siyasiy mabüslerge yardım etmek içün resimlerini mezat etecegini bildirdi (VİDEO)

uatv
11.09.2019
Skrin UATV

Sentâbrniñ 7-nde Ukraina ve Rusiye Federatsiyası arasında olıp keçken deñişüv neticesinde ukrain paytahtına qaytıp kelgen jurnalist Roman Suşçenko ilk sefer matbuat konferentsiyasını keçire.

Bu aqta UATV haber ete.

Sabıq Kreml mabüsi kene jurnalitiska faaliyetinen oğraşacaq ve ukrain siyasiy mabüsleriniñ destegine cemaat leyhalarında iştirak etecek ola

“Cemaat faaliyeti aqqında aytsaq, böyle niyetlerim bar. Siyasetnen bağlı kelecegim aqqında… bu aqta tüşünmedim, çünki bu arhiqıyın şeydir”, – dedi Suşçenko.

Jurnalist, apiste olğan zaman yapqan resimlerini mezat etecek ola. Toplanğan paranı, o, esirler, siyasiy mabüsler ve olarnıñ qorantlarınen oğraşqan teşkilâtqa berecek.

Roman Suşçenko, kütleviy haber vastaları ve iş adamlarını bunıñ kerçekleştirilüvinde yardım etmege davet etti.

Evel, Roman Suşçenkoğa Rusiye Federatsiyasına barması 20 yılğa yasaq etildi.

Menba UATV
tarih 11.09.2019
kategoriyalar UKRAİNA
paylaşmaq
UA|TV top haberleri