Roman Suşçenko qanunsız mahkümiyet müddetini mahküm etilgen qanun qoruyıcılar içün olğan cezahanede çeke, – Feygin

Ukrain siyasiy mabüsi ile kelecek körüşüv dekabrge qararlaştırıla

uatv
29.11.2018

Foto Ukrinform-UATV

Kreml mabüsi Roman Suşçenko Kirov vilâyetinde mahküm etilgen qanun qoruyıcılar içün olğan sert rejim cezahanesinde tutula.

Bu akta Ukrinform siyasiy mabüsniñ cemaat imayecisi Mark Feyginge atıf etip bildire.

“11 nomeralı tüzetüv cezahanesi Utrobino qasabasında yerleşe, bu Kirov vilâyetindeki Kirovo-Çepetsk şeeri desem olacaq, vilâyet merkezi Kirovdan 50 kilometrlik uzaqlıkhta. Cezahane sert, nizamları da sert, oña “qızıl” deyler, ya da biz de degenleri kibi “mentovskaya”. Bu, o yerde mahkümiyet müddetini mahküm etilgen qanun qoruyıcı organlarınıñ hadimleri çekkenleri demektir”, – tarif etti Mark Feygin.

Onıñ sözlerine köre, noyabrniñ 23-nde Roman Suşçenko advokatı ile körüşken. Körüşüv 2,5 saat devam ettken. Cemaat imayecisine ise jurnalist ile körüşüp ruhset berilmegen.

Ukrain siyasiy mabüsi ile kelecek körüşüv dekabrge qararlaştırıla.

Jurnalist Roman Suşçenko 2016 senesi sentâbrniñ 30-nda Moskvada yaqalanıldı. Soñunda o casuslıqta qabaatlanıldı.

Menba Ukrinform
tarih 29.11.2018
kategoriyalar KREML MABÜSLERİ
paylaşmaq
UA|TV top haberleri