Rivne vilâyetinde ukrain fentezi-filminiñ çekimleri başlandı

uatv
03.07.2019
UA: Rivne videosından screenshot

Rivne vilâyetinde yerleşken Tarakanivskiy fort territoriyasında “Cura Koroleviç” degen tolumetrolı fentezi-filminiñ çekimleri başlandı.

Bu aqta Devlet kinosınıñ matbuat hızmeti haber etmekte.

Levhanıñ leyhası Devlet kinosınen ilân etilgen konkursta ğalebe qazandı.

Filmniñ rejissörı – Anton Goyda, stsenariy müellifleri – Sergiy Gavrilük, Sergiy Uhaçevskıy, Kira Volkova ve Yuliya Çernâvska.

“Cura-İvanko on altı yaşına kirgen kün, qıral Yuriy Cessürniñ oğlu olğanını ve hainliknen küreşniñ başına turmaq kerek olğanını ögrene. Yuriyni mahsus öldürgen Egert er şeyden daa çoq Cura-İvankonı öldürip, ükümdar olmağa istey. Ve, merametlik tarafını alğan yekâne şey – İvankonıñ yüregini diñlemege, samimiy olmağa ve bazılarda özüni qurban olıp ketirmege azırlığı ola”, – dep, yazıla filmniñ tasvirinde.

Levhada böyle ukrain oyuncıları oynadı: Maksim Camçik, Taisiya-Oksana Şçuruk, Alina Kovalenko, Vâçeslav Dovjenko, Öleksiy Vertinskiy, Vitalіy Saliy, Kostântin Temlâk, Öleksandr Kobzar, Mihaylo Kuküyük, Yevgen Öliynık, Öleksiy Trıtenko, Dmıtro Rıbalevskıy, Volodımır Raşçuk ve başqaları.

Bundan ğayrı, çekmilerge yerli sakinler de celp etildi.

Tarakanivskıy fort – ХІХ asırğa ait olğan ve şimdi pek yaramay alda bulunğan mimarcılıq abidesi. Qayd etemiz, fort territoriyasında “Povodım” filminiñ kadrları çıqarılğan edi.

Menba UATV
tarih 03.07.2019
kategoriyalar MEDENİYET
paylaşmaq
UA|TV top haberleri