RF sıñırcıları, saylavlarda iştirak etmek içün Qırımdan qıtağa ketken ukrainlerge mania ola bile

uatv
31.03.2019
Foto Ukrinform-UATV

Rusiye sıñırcıları, qıtada ötkerilgen Prezident saylavlarında iştirak etmek istegen ukrainlerge qanunsız surette işğal etilgen Qırım ile memuriy sıñırnı keçüvde mania ola bile.

Bu aqta Devlet sıñır hızmeti reisiniñ mesleatçisi Oleg Slobodân bildirdi, haber ete Azatlıq Radiosı (Radio Svoboda).

Onıñ sözleriye köre, işğal etilgen yarımada ile memuriy sıñırnı keçkenlerniñ sayısı o bir aftağa baqqanda bayağı azlaştı.

“İşğalci memleketniñ sıñırcıları qıtağa ketken ukrainlerni toqtatqanı ve yolculıq maqsadını sorağanı aqqında bildik. Rey bermek içün ketkenini aytqanlardan birisi keri yollanıldı yoqmı kibi malümat bizde yoq, amma rey berüvge mania olğanlarını tahmin ete bilemiz”, – dedi Slobodân.

Devlet sıñır hızmetiniñ episi bölükleri adiy rejimde çalışmaqta. Umumen bugün sıñırnı yedi biñden ziyade arbiy qorumaqtadır.

Evel, saylavlarda 5,5 ziyade Qırım sakini iştirak etecegi aqqında haber etilgen edi.

Menba UATV
tarih 31.03.2019
kategoriyalar QIRIM
paylaşmaq
UA|TV top haberleri