RF boyevikleri ukrain noqtalarına 11 kere ateş açtı, bir arbiy elâk oldı

uatv
15.05.2019
Foto mil.gov.ua saytından

Keçken 24 saat içinde bir ukrain arbisi elâk oldı, daa ekisi yaralandı. Donbassta mayısnıñ 14-nde köre RF-niñ silâlı şekillenmeleri 11 kere ateş toqtatılması rejimini bozdı.

Bu aqta BQO ştabınıñ matbuat hızmeti Facebook saifesinde haber etmekte.

Rusiye işğalcileri Ukraina silâlı quvetleriniñ noqtalarına on kereden ziyade ateş açqanlar.

Kene de Minsk añlaşmalarınen yasaqlanğan 82 ve 120-ci kalibr mina topuları qullanılğan.

Uruşlar bütün sıñır safında gece de devam etken.Yarı geceden başlap Donetsk vilâyetinde mina topularınıñ atışları altına Marinka ve Pavlopol civarlarındaki noqtalar, pulemet atışlarına ise Gnutovo noqtaları tüşken. Silâlı quvetler er bir ucumğa cevap bergen.

Menba UATV
tarih 15.05.2019
kategoriyalar Donbass
paylaşmaq
UA|TV top haberleri