Resam Ukraina Elçiligi binasına “Tokayevniñ sözleri içün afu soramağa” keldi

uatv
05.12.2019
Foto Azattık Radiosı

Dekabrniñ 5-nde Qazahistan resamı Ashat Ahmedyarov Nur-Sultan şeerindeki Ukraina Elçiligi binasına ukrain tilinde yazınen plakat alıp keldi. Plakata, “Vibaçte za nogo” yazı ve bir başnen resim, tahminlerge köre – eşek başı. Jurnalistlerge Ahmedyarov, Ukraina halqından keçenlerde Qazahistan prezidenti Kasım-Jomarta Tokayevniñ Qırım aqqındaki sözleri içün afu istemege kelgenini ayttı.

Bu aqta Azattık Radiosı haber ete.

Berilgen malümatqa köre, Ashat Ahmedyarov plakatnı Elçilik binası yanında açıp olamağan. Mahsus qoruv hızmeti hadimleri ellerinden onı birden tutıp alğan. Tışarığa çıqqan Elçilik temsilcileri toplanğanlarğa binağa kiriş kerden dağılmağa rica etkenler. Olıp keçken vaqianı ise izaatlamadılar.

Vaqia yerine kelip çıqqan patrul Ahmedyarovnı yaqalamağan. O öz maşnasınen ketken. Plakat keri qaytarılmağan.

Evel, Qazahistan prezidenti Kasım-Jomart Tokayev Rusiye Ukrainağa ait yarımadanı öz toprağına «qoşqanı» aqqında ilân etken 2014 senesi Qırımda olıp keçken adise-vaqialarnı ilhaq dep adlandırmağa istemey.

Oquñız: Ukraina Tışqı işler nazirligi, Qazahistan prezidenti Kasım-Jomart Tokayevniñ ukrain Qırımınıñ Rusiye tarafından işğalini inkâr etmesine dair aytqanları aqqında kütleviy haber vastalarınıñ bildirüvlerinden raatsızalana.

Menba UATV
tarih 05.12.2019
kategoriyalar Dünya
paylaşmaq
UA|TV top haberleri