Refat Çubarov kelecek deñişüv “er kesni er keske” formulasına köre olmasını talap ete

uatv
17.01.2020
Foto Ukrinform-UATV

Qırımtatar Milliy Meclis reisi Refat Çubarov Rusiye ve Ukraina arasında tutulğan kişilerniñ kelecek deñişüvi cedvelinde Qırımdan siyasiy mabüslerniñ episi olmasını ve “er kesni er keske” formulasına köre olmasını talap ete.

Bu aqta o ATR televizion kanalınıñ yayınında bildirdi.

“Biz içün, Ukraina devleti bu bizim vatandaşlarımız ve Qırım bizim toprağımız olğanını köstergeni pek müim. Qırım aytışmalar vaqtında muzakere etilmegeni Rusiye Federatsiyasınıñ pozitsiyalarını quvetleştire edi ve diger memleketlerde “Ukrainler Qırım işğalini özleri tanıy”, dep aytmağa aq bere edi”, – dedi Çubarov.

Meclis başı, qarşılıqlı deñişüvniñ kelecek basamağını azırlağan adamlarnen işbirlikte çalışqanını qayd etti.

“Şimdi qarşılıqlı deñişüvniñ kelecek basamağını azırlağan adamlarnen işbirlikte çalışamız. Endi bir qaç kündir siyasiy mabüslerniñ episini baqamız – türlü sebeplerden Rusiyede apiske alınğanlarnı da. Türlü taliller bermege tırışamız. Deñişüv ne zaman olacağı belli degil. Biz “er kesni er keske” formulasına köre olmasını talap etemiz. Neticede ne olacaq – işimiz kösterecek”, – dedi o.

Джерело UATV
дата 17.01.2020
категорії QIRIM
поділитися
Топ новин на UA|TV