Rada til aqqında qanun leyhasını qabul etti (VİDEO)

uatv
25.04.2019
Foto UATV-Ukrinform

Ukraina Yuqarı Radası aprelniñ 25-nde keçken oturuşuvdı “Ukrain tiliniñ devlet tili olaraq teminlenilmesine dair” qanun leyhasına qol tuttı, dep, haber ete UATV.

Bu qarar içün 278 halq deputatı rey berdi.

REy berüvden evel halqa deputatlarına film taqdim etildi. Anda ukrain yazıcıları, şairler, cemaat erbapları, alimler, oyuncılar ve diniy erbaplar muracaat etip, qanun müimligini qayd eteler.

Bundan ğayrı, parlament zalına Ukrainanıñ üçünci prezidenti Viktor Yuşçenko ve patriarh Filaret keldiler.

Parlamentniñ spikeri Andrey Parubiy qayd etkenine köre, Prezident  Petro Poroşenko bu vesiqanı imzalamağa söz berdi.

Yuqarı Rada yanında miting keçe, faaller qanun leyhasınıñ qabul etilmesini talap eteler.

Menba UATV
tarih 25.04.2019
kategoriyalar SİYASET
paylaşmaq
UA|TV top haberleri