Qurman “Hizb ut-Tahrir davası” mabüsleriniñ tevqif müddeti uzatıldı

uatv
10.09.2019
Foto Qırım. Aqiqat

İşğal etilgen qırımda “mahkeme” Qurman “Hizb ut-Tahrir davası” mabüsleriniñ tevqif müddeti eki ayğa uzattı.

Bu aqta UATV Qırım. Aqiqatqa atfı etip bildire.

Advokat Nazim Şeyhmambetovnıñ bildirgenine köre, Rustem Emirüseinov, Arsen Abhairov ve Eskender Abdulganiyev 2019 senesi noyabrniñ 13-necek taqiqat tevqifhanesinde qalacaqlar.

“Mahkeme oturışı beklegenimiz kibi olıp keçti. Davağa, müşterilerimiz taqiqat tevqifhanesi şartlarında tutulmamaq kerek olğanları aqqında bir sıra qarar ve halqara beyanatlarnı qoştıq. Müşterilerimiz sabaa saat 7-den bir şey aşamağanlar, olar içün quru aş payı azırlanılğan. Sağlam aqıl ve halqara uquq ceyetten – bu iskencedir. Buna yazılı şikâyetler azırlaycaqmız”, – tarif etti advokat.

Evel, qanunsız sürette tevqif etilgen Eskender Abdulganiyev, Arsen Abhairov ve Rustem Emirüseinov psihiatriya hastahanesine yatqızıldı.

2019 senesi fevral ayında Qurman rayonınıñ Büyük Onlar qasabasında Rusiye qanun qoruyıcıları tintüv keçirdi. Aqmescitteki Federal telükesizlik hızmeti idaresine Eskender Abdulganiyev, Arsen Abhairov ve Rustem Emirüseinov alındı. Fevralniñ 15-nde Kreml idaresi astındaki Kyiv rayon mahkemesi olarnı tevqif etti. Olar, esassız terrorcılıqnen ve Rusiyede terrorcı sayılğan ve yasaq etilgen “Hizb ut-Tahrir” diniy teşkilâtınıñ işinde iştirak etüvnen qabaatlanıldı.

Menba UATV
tarih 10.09.2019
kategoriyalar KREML MABÜSLERİ
paylaşmaq
UA|TV top haberleri