Qızıl Haç işğal etilgen Donbassqa 12 tonna gumanitar yardım yolladı

uatv
28.11.2019
Foto radiosvoboda.org

Qızıl Haçnıñ halqara komiteti Donbassnıñ işğal etilgen topraqlarına 3 yük maşnasınen gumanitar yardım yolladı. 

Bu aqta UATV Ukraina Devlet Sıñır Hızmetiniñ matbuat hızmetine atfı etip bildire.

Yüklü maşnalar “Novotroitske” kiriş-çıqış yoqlav keçitinden keçken.

Berilgen malümatqa köre, Donbass sakinlerine tibbiyet donatmalar, qurucılıq malzemeleri, gigiyena taqımları yollanılğan.

Yollanılğan yardımnıñ umumiy çekisi – 12 tonna. 

Bundan evel Birleşken Milletler Teşkilâtı Donbassqa 157 tonna gumanitar yardım yolladı.

Oquñız: Ukrainada gumanitar sualler koordinatsiyasından Birleşken Milletler Teşkilâtınıñ ofisi, Donbass sakinlerine yardım içün kerekli paranıñ yarısını toplağanları aqqında haber etti.

Hatırlatamız: Evel Lugansk vilâyetine Letoniyadan 16 biñ yevrolıq 15 tonna gumanitar yardım kelip çıqtı. Sıcaq urblar ve ilâclar cebe yanındaki meskün yerlerge yollanıldı. Yardımnı Stanıtsâ Luganska ve Marinka sakinleri aldı. Bu endi Letoniyadan kelgen ilk gumanitar yardım degil. Nevbetteki yardımnı yañı yılğa yaqın yollacaq olalar

Джерело UATV
дата 28.11.2019
категорії Donbass
поділитися
Топ новин на UA|TV