Qızıl Haç Donbassqa tahminen 2 tonna ilâc ve tibbiy teçhizat yolladı

uatv
12.09.2019
Foto dotb.dn.ua

Qızıl Haçnıñ halqara komiteti Donbassnıñ işğal etilgen topraqlarına 2 yük maşnasınen gumanitar yardım yolladı.

Bu aqta UATV Ukraina Devlet Sıñır Hızmetiniñ matbuat hızmetine atfı etip bildire.

Yüklü maşnalar “Novotroitske” kiriş-çıqış yoqlav keçitinden keçken.

Berilgen malümatqa köre, Donbass sakinlerine 2 tonna ilâc ve tibbiy teçhizat yollanılğan.

Bundan evel Qızıl Haçnıñ halqara komiteti Donbassqa 9 yük maşnasınen gumanitar yardım yollağan edi.

Hatırlatamız: Evel Lugansk vilâyetine Letoniyadan 16 biñ yevrolıq 15 tonna gumanitar yardım kelip çıqtı. Sıcaq urblar ve ilâclar cebe yanındaki meskün yerlerge yollanıldı. Yardımnı Stanıtsâ Luganska ve Marinka sakinleri aldı. Bu endi Letoniyadan kelgen ilk gumanitar yardım degil. Nevbetteki yardımnı yañı yılğa yaqın yollacaq olalar.

Menba UATV
tarih 12.09.2019
kategoriyalar Donbass
paylaşmaq
UA|TV top haberleri