Qızıl Haç Donbassqa 55 tonna gumanitar yardım yolladı

uatv
26.09.2019
Foto vgolos.com.ua

Qızıl Haçnıñ halqara komiteti Donbassnıñ işğal etilgen topraqlarına 3 yük maşnasınen gumanitar yardım yolladı. 

Bu aqta UATV Ukraina Devlet Sıñır Hızmetiniñ matbuat hızmetine atfı etip bildire.

Yüklü maşnalar “Novotroitske” kiriş-çıqış yoqlav keçitinden keçken.

Berilgen malümatqa köre, Donbass sakinlerine qurucılıq malzemeleriyollanılğan.

Yollanılğan yardımnıñ umumiy çekisi – 55, 66 tonna. 

Bundan evel Qızıl Haçnıñ halqara komiteti Donbassqa 150 tonnalıq qurucılıq malzemeleri ve ayvanlar içün yem  yollağan edi.

Hatırlatamız: Evel Lugansk vilâyetine Letoniyadan 16 biñ yevrolıq 15 tonna gumanitar yardım kelip çıqtı. Sıcaq urblar ve ilâclar cebe yanındaki meskün yerlerge yollanıldı. Yardımnı Stanıtsâ Luganska ve Marinka sakinleri aldı. Bu endi Letoniyadan kelgen ilk gumanitar yardım degil. Nevbetteki yardımnı yañı yılğa yaqın yollacaq olalar

Menba UATV
tarih 26.09.2019
kategoriyalar Donbass
paylaşmaq
UA|TV top haberleri