Qırımtatarlar Ukrainağa sadıq qala, – Meclisniñ beyanatı

uatv
26.02.2020

Endi altı yıldan berli Qırımnıñ Rusiye tarafından işğal etilgenine baqmadan, qırımtatarlar Ukrainanıñ vatanperverleri olıp qala. Bu aqta Qırımtatar Milliy Meclisniñ Qırımnıñ Rusiye işğaline qarşı tirenüv kününe bağışlanğan beyanatında yazıla.

“Altı yıl devam etken Qırımnıñ vaqtınca işğali qırımtatar halqınıñ ve Qırımda yaşağan diger millet vekilleriniñ büyük qısmınıñ iradesini yoq etip olamadı. Olar Ukraina devletine ve öz toprağına sadıq qala, Rusiyeniñ işğalcilerine qarşı barışıq, zorbalıqsız tirenüv aktsiyalar teşkil ete”, – yazıla beyanatta.

Beyanatta bugünde Qırımda “ârımada sakinlerine qarşı kütleviy cinayetler etilgeni aqqında yazıla, şu cümleden, öldirüvler, hırsızlavlar, zorlavnen ğayıp oluvlar, siyasiy isteklernen taqip etüvler, diskriminatsiyalar, aqsımlavlar, qorqutuvlar, yaqalavlar, tevqif etüvler, iskenceler ve şiddetli davranuvlar, mecburiy avuşuvlar ya da Qırımdan sürgün etüvler”.

Qırımtatar Milliy Meclisi, Ukraina devletine sadıq qalğan qırımtatar halqına ve yarımada sakinleriniñ episine kösterilgen destek içün minnetdarlıq bildirdi ve Qırımnı işğalden azat etmek içün küreşni devam eteceklerine inandırdı.

Джерело UATV
дата 26.02.2020
категорії QIRIM
поділитися
Топ новин на UA|TV