“Evge” filmi Bükreşte kinofestivalde ğalebe qazandı

uatv
02.07.2019

Rejissöri Nariman Aliyevniñ «Evge» filmi Bükreşteki halqara kinofestivalde eñ yahşı film mukâfatını aldı.

Bu aqta Qırım.Aqiqat haber etmekte.

«Evge» filmi qırımtatarı Mustafa aqqında ikaye. Eki oğlu Qırım işğalinden soñ Kyivge ketti. Büyük oğlu Nazim vefat ete, babası onı Qırımğa alıp, musulman ananelerine köre defin etmek ve küçük oğlu Alimni evge qaytarmaq içün paytahtqa yol ala.

«Evge» filminiñ baş rollerini Ahtem Seitablayev («Kiborğı» rejissöri) ve Remzi Bilâlov oynadı. Levha prodüseri Vladimir Yatsenko («Dıke pole») oldı, film yapıluvınen ise Limelite kino şirketi oğraştı. Film Ukraina medeniyet nazirliginiñ yardımınen çıqarıldı, onıñ halqara satışınen ise Wild Bunch şirketi oğraşacaq.

Aliyevniñ «Evge» filmi Cannes festivaliniñ «Ayrı bir baqış» yarış programmasınıñ iştirakçisi edi

Daa evel Nariman Aliyev Avropa kinoakademiyasınıñ azası oldı. Aliyev avropalı kinoakademikler sırasında qırqıncı ukrain kinematografı oldı.

Menba Azatlıq Radiosı
tarih 02.07.2019
kategoriyalar CEMİYET
paylaşmaq
UA|TV top haberleri