Qırımtatar rejissörı Nariman Aliyevniñ “Evge” filmi “Oscar” mukâfatına Ukrainanıñ yekâne namzeti oldı

uatv
13.08.2019
Foto Facebook Ukraina Oscar komitet

Ukraina Oscar komiteti, “Halqara uzun film” namzetliginde “Oscar-2020” mukâfatına saylavda iştirak etmek içün arizalarnıñ qabul etilüvini yekünledi.

Bu yıl “Oscar” Amerika kino akademiyasınıñ mukâfatına Ukrainanıñ yekâne namzeti, qırımtatar asıllı ukrain rejissörı Nariman Aliyevniñ “Evge” filmi oldı.

Bu aqta Facebookta Ukraina Oscar komiteti bildire.

“Ukraina Oscar komiteti, Ukrainadan “Halqara uzun film” kategoriyasında “Oscar” Amerika kino akademiyasınıñ mukâfatına milliy filmlerniñ film kösterilmesi saylavda iştirak etüvi içün arizalarnıñ qabul etilüvini yekünledi. Bu yıl milliy saylavda bir film iştirak etecek: “Evge”, rej. Nariman aliyev, 96 daqqa”, – yazıla malümatta.

Film qırımtatar Mustafa aqqında ikâye ete. Onıñ eki oğlu, Qırımnıñ işğalinden soñ Kyivge köçip ketti. İkâye, onıñ üyken oğlı Nazimnıñ ölüminden başlana. Baba ise kiçik oğlı Alimni evge qaytarmağa, üyken oğlını ise Qırımda, musulman adetlerine köre defin etmege tırışa.

Filmniñ stsenariy müellifleri qırımtatar Nariman Aliyev ve ukraina rejissöri, stsenarist Marısâ Nikitük oldı. Baş rollerini Ahtem Seitablayev (“Kiborğı” rejissöri) ve Remzi Bilâlov oynadı. Levha prodüseri Vladimir Yatsenko (“Dıke pole”) oldı, film yapıluvınen ise Limelite kino şirketi oğraştı. Film Ukraina medeniyet nazirliginiñ yardımınen çıqarıldı, onıñ halqara satışınen ise Wild Bunch şirketi oğraşacaq. Film dünyanıñ bir çoq memleketinde, şu cümleden Ukrainada kösterecek.

Daa evel “Evge” filmi Bükreşteki halqara kinofestivalinde eñ eyi film mukâfatını qazandı.

Nariman Aliyev – qırımtatar rejissöri, “Qırım ikâyeleri” trilogiyasınıñ (qısqa film) müellifidir. Onıñ “Sensiz” filmi 66-ncı Berlin kinofestivaliniñ Generation 14+ çerçivesinde taqdim etilgen edi. Öz işlerinde Aliyev qırımtatarlarnıñ qoranta munasebetleri, ananeleri ve turmuşını akis ete.

Kinorejissöri “Qırım ikâyeleri” qısqa filmlerinen ve bu sene Ukrainanı Cannes kinofestivaliniñ “Ayrı bir baqış” programmasında temsil etken ve debüti olğan uzun metrajlı “Evge” filminen belli. 

Menba UATV
tarih 13.08.2019
kategoriyalar MEDENİYET
paylaşmaq
UA|TV top haberleri