Qırımtatar rejissöri Avropa kinoakademiyasınıñ azası oldı

uatv
04.06.2019
Foto Facebook Nariman Aliyev

Daa bir ukrain rejissöri, qırımtatar asıllı Nariman Aliyev Avropa kinoakademiyasınıñ azası oldı.

Bu aqta Ukraina Devlet kinosınıñ matbuat hızmeti haber ete.

“Devlet kinosınıñ reisi Filipp İlyenko ukrain rejissöri, qırımtatar asıllı Nariman Aliyevni Avropa kinoakademiyasınıñ akademik statusını alğanınen tebrikley”, – yazıla malümatta.

Kinorejissöri “Qırım ikâyeleri” qısqa filmlerinen ve bu sene Ukrainanı Cannes kinofestivaliniñ “Ayrı bir baqış” programmasında temsil etken ve debüti olğan uzun metrajlı “Evge” filminen belli.

Aliyev Avropa kinoakademiyasında qırqıncı ukrainalı kinematografisti oldı.

Nariman Aliyev – qırımtatar rejissöri, “Qırım ikâyeleri” trilogiyasınıñ (qısqa film) müellifidir. Onıñ “Sensiz” filmi 66-ncı Berlin kinofestivaliniñ Generation 14+ çerçivesinde taqdim etilgen edi. Öz işlerinde Aliyev qırımtatarlarnıñ qoranta munasebetleri, ananeleri ve turmuşını akis ete.

Menba UATV
tarih 04.06.2019
kategoriyalar MEDENİYET
paylaşmaq
UA|TV top haberleri