Qırımtatar halqı sürgünliginiñ yıllığı munasebeti ile Kyivde matem miting ötkerilecek, – Çubarov

uatv
16.05.2019
Foto Ukrinform-UATV

Mayısnıñ 18-nde, qırımtatar halqı sürgünliginiñ yıllığı munasebeti ile Kyiv ve Ukrainanıñ diger şeerlerinde bir sıra hatıra merasimler olıp keçecek.

Bu aqta qırımtatar Milliy meclis reisi Refat Çubarov bildirdi, dep haber ete Ukrifnorm.

Bu künü Ukraina paytahtında matem miting keçirilecek.

“Mayısnıñ 18-nde saat 18:00 Mustaqillik meydanında qırımtatar halqı genotsidı qurbanlarınıñ hatırasına matem miting ötkerilecek. Epimiz, qırımtatarlar ile beraber ağalarımız, Kyiv sakinleri, siyasiy erbaplar, halq mebüsleri, diplomtlar olacaqlarına ümüt etemiz. İşğal etilgen Qırım, bugünde Ukraina devleti suvereniti altına qaytmasına olarnıñ ıntıluvlarına qol tutqanımıznı körmesi pek müimdir”, – dedi Çubarov.

Bundan ğayrı Kyivde “Ekspotsentr Ukraina” Milliy kompleksinde “Qırsızlanğan Qırım. Sürgünlik tarihı” (“Ukradennıy Krım. İstoriya deportatsii”) bediiy leyha açılacaq. Saat 15:00 anda daa rekviyem keçirilecek, saat 16:00 ise qırımtatar avto yürüşi başlanacaq.

Meclis reisi bildirgenine köre, kütleviy merasimler daa Herson ve Herson vilâyetinde, Vinnıyya, Lviv, Mıkolayıv ve Ukrainanıñ diger büyük şeerlerinde ve memleket tışında olacaq.

Menba UATV
tarih 16.05.2019
kategoriyalar UKRAİNA
paylaşmaq
UA|TV top haberleri